| 原來做好人都會俾人當衰人咁睇...唔通呢個世界真係好人無好報...? 對人好無好結果...鐘意人無好結果...愛人就更加無好結果...咁係呢個世界仲有d咩值得我去留戀...仲有d咩值得我去為"佢"生存落去...我諗黎諗去都諗唔到...就算我死左佢都唔會有人覺得係咩一回事...我知道我咁講一定會俾人鬧(雖然唔多...我諗起碼都有一隻手咁多既人會)...但係係呢一刻我真係有呢種感覺...連我認為係最愛我既人都會對住我反口...數我既不是...覺得由始至終我都係玩緊佢...個一刻我個心真係痛過俾刀割...換轉你地係我...你地會點做...你地會有咩感覺...相信都係同我一樣...(如果唔係既...不妨講黎聽聽...) 點解係都要假面具做人...唔通做返自己都錯...?唔通用真心待人就係錯...?我唔明白點解呢個世界咁殘酷...點解呢個世界要有魔鬼...要有邪惡...要有私心...?唔通大家坐埋同一條船都要搞分化搞小圈子...?點解人要自相殘殺...要搞到血流成河...有人犧牲先肯收手...?點解人要有慾望...如果呢個"世界"無慾望既話...呢d事就唔會發生...點解我地要生活呢個咁殘酷既世界入面...我真係好唔明好唔明... |
| |
| 我發覺自己愈黎愈唔似人...因為我已經唔知道咩叫"愛"...咩叫"仲意."..我淨係知我會對一個人有心跳既感覺...不過可惜...我唔想再過d單戀既生活...
琴日放工既時候見到個fd...佢一見到我就話我樣衰左...可能佢講得岩...就係因為咁樣...所以嚇親人...其實我都發覺自己做人愈黎愈無自信心...做咩都唔成功...有時我真係驚會連累到人... 其實我諗上面個兩段野已經可以總括晒呢幾個月黎我想講既野...因為...我已經無心機再打埋落去...好耐未試過一個人係屋企呢埋盡情咁喊喇... |
| |
| 呢幾日(由禮拜3開始)我都係返工返工同返工...不過可以日日同呀cat、呀bi、呀堯一齊返工食飯放工~又唔係太辛苦~都好開心~返到今朝早(21號,禮拜6)先知道下個禮拜唔洗再返...俾條撚屌cut鳩我地鐘...搞到我地d糧一千蚊都唔夠...所以我地一齊決定要柯篤屎係佢office門口~yeah!!(有興趣既請報名~)卒之今日3點鐘就放左工(原本放5點)...又少左60蚊...真係含佢個撚屌... 放左工之後我地就一齊落左新港~好耐無落過喇~4點幾我地就到左喇~打左一陣機呀堯個d就要去練performent~我就約左我媽媽去行街街...全程得佢睇...無我份...悶到有d想嘔...跟住等呀堯佢地練完舞之後就一齊食飯飯~我呀媽都有份~嘻嘻~食完我媽媽走先~跟住又落返新港打機...發現左有一部king fight1蚊有兩舖~跟住就成班圍住個部機由11點幾打到2點=.=不過bibi教左我好多新招~好開心~多謝bibi~
打完機之後我就落左旺角搵埋我老公一齊搭車車返屋企喇~返到屋企睇左一個鐘怪談就頂唔順訓著左喇... |
| |
| 「電燈泡」係給予人光明、照明既工具...永遠都係俾人一種溫暖、和諧既感覺... 當一個人身處係黑暗既時候...「燈泡」會係你一個好伙伴...但係人好奇怪...當兩個人走埋一齊既時候...佢地既感情會自自然然產生『光』...係呢個時候...「燈泡」就會變成呢兩個人既一種『阻礙物』...就即係其他人講既「電燈膽」... 如果我係一個「電燈泡」...我諗我會係一個...永遠都唔識熄既「電燈泡」...身處黑暗既人遇到我...可能我會係一個唔錯既「燈泡」...帶俾呢個人光明、希望...但處於陽光普照既人遇到我...我既『光』就只會帶俾佢地刺眼、熾熱同埋煩厭既感覺...
我唔知我呢個「燈泡」係一製造出黎既時候已經有問題呀...定係經歷太多...發出黎既『光』變左質...變左『紫外光』...一啲只係會傷害人既光...而且仲係一個永遠都唔會熄既「紫外光燈膽」...
唔知道...你地又會係一個咩類型既「電燈泡」呢... |
| |
| 10月4號00:20 今日原本可以開開心心咁去睇超女．強勢回歸...不過...睇戲之前俾我知道左一個令到無心情睇落去既消息...我終於知道咩叫"有口話人無口話自己"...我聽到之後好嬲...我唔識俾反應...我唔知可以講d咩...唯一可以做既就係唔出聲...大家一路都唔出聲...自己有自己笑...睇完戲之後我都唔想睬佢...因為佢竟然唔知發生咩事...我決定一路都唔講野...直至佢肯講個三個字為止... |
| |
